मावळ : प्रतिनिधी
शिवसेनेचे माजी खासदार आणि काही वर्षांपूर्वी भाजपमध्ये प्रवेश केलेले गजानन बाबर यांचे निधन झाले आहे. ते 78 वर्षांचे होते. मागील काही दिवसांपूर्वी बाबर यांना कोरोनाची लागण झाली होती. त्यामुळे त्यांच्यावर रुग्णालयात उपचार सुरू होते, मात्र बुधवारी (दि. 2) बाबर यांची प्राणज्योत मालवली.
गजानन बाबर यांची कोरोना चाचणी पॉझिटिव्ह आल्यानंतर प्रथम त्यांना पिंपरी चिंचवडमधील एका खासगी रुग्णालयात दाखल करण्यात आले होते, पण प्रकृती जास्तच खालावल्याने त्यांना बाणेर येथील ज्युपिटर रुग्णालयात हलवण्यात आले. अतिदक्षता विभागात उपचार सुरू असताना त्यांनी गुरुवारी 3.30च्या सुमारास अखेरचा श्वास घेतला. त्यांच्या पश्चात पत्नी आणि दोन मुले असा परिवार आहे. विविध क्षेत्रातील मान्यवरांनी गजानन बाबर यांच्या निधनानंतर दु:ख व्यक्त करीत त्यांना श्रद्धांजली वाहिली आहे.
Check Also
उलवे नोडमध्ये रविवारी महासंस्कृती : जागर स्त्री शक्तीचा सांस्कृतिक कार्यक्रम
भजनी मंडळांना भांडवली अनुदानाचे होणार वाटप पनवेल : रामप्रहर वृत्तमहाराष्ट्र शासनाचा सांस्कृतिक कार्य विभाग आणि …
RamPrahar – The Panvel Daily Paper