ऑस्ट्रेलियाचा दिग्गज क्रिकेटपटू शेन वॉर्नचे निधन

मेलबर्न : ऑस्ट्रेलियाचा दिग्गज क्रिकेटपटू शेन वॉर्नचे वयाच्या 52व्या वर्षी हृदयविकाराच्या झटक्याने निधन झाले. वॉर्नच्या व्यवस्थापनाने शुक्रवारी याबाबत माहिती दिली. थायलंडमधील कोह सामुई येथे वॉर्नचा मृत्यू झाला. दरम्यान, ऑस्ट्रेलियन क्रिकेटसाठी हा दुसरा धक्का आहे. रॉड मार्शच यांचेही गेल्या आठवड्यात हृदयविकाराच्या तीव्र झटक्याने शुक्रवारी निधन झाले होते. शेन वॉर्नने क्रिकेटपटू मार्शच्या निधनावर शोक व्यक्त केला होता. जगातील महान फिरकी गोलंदाज शेन वॉर्ननेही अलीकडेच रशिया आणि युक्रेनमध्ये सुरू असलेल्या युद्धावरही आपली प्रतिक्रिया व्यक्त केली. वॉर्नने युक्रेनच्या बाजूने ट्वीट करून रशियाची कारवाई पूर्णपणे चुकीची असल्याचे म्हटले होते. वॉर्नने युक्रेनचे समर्थन केले आणि रशियाची कारवाई पूर्णपणे चुकीची, अवास्तव आणि अन्यायकारक असल्याचे स्पष्ट मत व्यक्त केले होते.