निजामपुरात घरफोडी; पाच हजारांची रक्कम लंपास

आणखी पाचघरे फोडली

माणगाव ः प्रतिनिधी

तालुक्यातील निजामपूर गावातील शिर्की आळीत अज्ञात चोरट्याने घरातील पाच हजार रुपये रोख रक्कम चोरली, तसेच अन्य पाच लोकांचे गोडाऊनच्या घराचा कडीकोयंढा तोडून चोरी केली.  याबाबतची फिर्याद जनार्दन दगडू मोरे रा.निजामपूर शिर्की आळी  यांनी माणगाव पोलीस ठाण्यात दिली.

अज्ञात चोरट्याने फिर्यादी जनार्दन मोरे यांच्या घराच्या दरवाजाचे कडीकोयंडा तोडून पाच हजार रुपयांची रोख रक्कम लंपास केली, तसेच नितीन खैरनार, मंगेश कोळवणकर यांचे गोडाऊन, नथुराम शिर्के व शोभा प्रभाकर वडके यांच्याही घरात प्रवेश करून घरफोडी करून अज्ञात चोरटा फरार झाला आहे. या गुन्ह्याची माहिती मिळताच माणगाव तालुक्याचे उपविभागीय पोलीस अधिकारी प्रवीण पाटील,माणगाव पोलीस ठाण्याचे  पोलीस निरीक्षक राजेंद्र पाटील यांनी घटनास्थळी भेट दिली. गुन्ह्याचा अधिक तपास पोलीस निरीक्षक राजेंद्र पाटील यांच्या मार्गदर्शनाखाली पोलीस हवालदार श्री.तुणतुणे हे करीत आहेत.