तरुणांच्या पाठीशी खंबीरपणे उभा राहणार -महेश बालदी

उरण : रामप्रहर वृत्त

देशाचे पंतप्रधान नरेंद्र मोदी व राज्याचे मुख्यमंत्री देवेंद्र फडणवीस, तसेच माजी खासदार लोकनेते रामशेठ ठाकूर यांच्या नेतृत्वावर विश्वास ठेवून उरण तालुक्यातील जसखार, चिर्ले ग्रामपंचायत हद्दीतील तरुणांनी एकसंघ होत भारतीय जनता पक्षात प्रवेश केला आणि होऊ घातलेल्या विधानसभा निवडणुकीत उरण मतदारसंघात माझ्यासारख्या सर्वसामान्य कार्यकर्त्याचे काम करण्याचा निर्णय घेतला आहे. अशा आदिवासी, तसेच विविध पक्षांतील प्रवेश करणार्‍या तरुणांच्या मागे मी जनसेवक म्हणून खंबीरपणे उभा राहीन, अशी ग्वाही जेएनपीटीचे विश्वस्त उमेदवार महेश बालदी यांनी दिली.

भाजप कार्यकर्त्यांच्या आग्रहाखातर व उरण मतदारसंघाच्या सर्वांगीण विकासासाठी अपक्ष म्हणून निवडणूक लढविण्याचा निर्णय महेश बालदी यांनी घेतल्याने आपल्या मित्राला शुभेच्छा देण्यासाठी गोवा भाजपचे प्रदेशाध्यक्ष तथा खासदार विनय तेंडुलकर हे उरणमध्ये आले असता, त्यांच्या उपस्थितीत पक्षप्रवेश कार्यक्रम झाला. त्या वेळी बालदी बोलत होते.

या वेळी जसखार गावातील शिवसेना ग्राहक संरक्षण कक्षाचे उपप्रमुख धनंजय हरी भगत, नरेश मोरेश्वर घरत, करण भगत, तसेच चिर्ले ग्रामपंचायत हद्दीतील विश्राम राम मोहिते, उषा राम मोहिते, रोशनी विश्वास मोहिते, प्रितम दत्ताराम मोहिते, अमित विश्वनाथ पाटील, मनोज गोपाळ पाटील, पुष्पा दत्ताराम मोहिते आदींनी भाजपमध्ये प्रवेेश केला. त्यांचे स्वागत करण्यात आलेे.

या कार्यक्रमाचे औचित्य साधून विनय तेंडुलकर यांनी उरण विधानसभा मतदारसंघाच्या सर्वांगीण विकासासाठी आपले मित्र तथा या मतदारसंघातील अपक्ष उमेदवार महेश बालदी यांच्या मागे पदाधिकारी व कार्यकर्ते यांनी खंबीरपणे उभे राहण्याचे उपस्थितांना आवाहन केले.

कार्यक्रमास भाजपचे जिल्हा सरचिटणीस चंद्रकांत घरत, तालुकाध्यक्ष रविशेठ भोईर, वाहतूक विभाग जिल्हाध्यक्ष तथा कामगार नेते सुधीर घरत, सुरेश पाटील, नगराध्यक्ष सायली म्हात्रे, युवा नेते तथा महालण विभागाचे अध्यक्ष महेश कडू, दिनेश तांडेल, प्रकाश कडू, दीपकशेठ भोईर, उपनगराध्यक्ष जयविंद्र कोळी, महिला संघटना अध्यक्ष राणी म्हात्रे, भाजपचे तालुका उपाध्यक्ष प्रकाश ठाकूर, चिटणीस सुनील पाटील, जासई विभाग अध्यक्ष मेघनाथ म्हात्रे, प्रल्हाद पाटील, माजी सरपंच विलास पाटील, तालुका उपाध्यक्ष पंडित घरत, माजी सरपंच जितेंद्र घरत, कुलदीप नाईक, सरपंच दामूशेठ घरत, सरपंच अजित पाटील, संदीप पाटील, शहराध्यक्ष कौशिक शहा, सरपंच ज्योती परशुराम म्हात्रे, हरेश भोईर, रमेश फोफेरकर, नंदकुमार चिरनेरकर, दीपकशेठ पाटील, नगरसेवक राजेश ठाकूर, कोळी समाजाचे नेते प्रदीप नाखवा यांच्यासह उरण शहर, चाणजे, नवघर, जासई, चिरनेर जिल्हा परिषद मतदारसंघातील भाजपचे सरपंच, उपसरपंच, ग्रामपंचायत सदस्य, पदाधिकारी व कार्यकर्ते मोठ्या संख्येने उपस्थित होते.