नेरळचे उपसरपंच शंकर घोडविंदे यांचा सत्कार

कर्जत : नेरळ ग्रामपंचायतीच्या उपसरपंचपदावर निवडून आल्याबद्दल शंकर घोडविंदे यांचा कर्जत तालुका आगरी समाज संघटनेच्या वतीने सत्कार करण्यात आला. संघटनेच्या कार्यकारिणीची बैठक नेरळ येथील हुतात्मा हिराजी पाटील सामाजिक सभागृहात आयोजित करण्यात आली होती. या सभेत उपसरपंच शंकर घोडविंदे यांचा सत्कार करण्यात आला. या वेळी संघटनेचे अध्यक्ष सावळाराम जाधव, उपाध्यक्ष प्रवीण पाटील, केशव मुने, ज्येष्ठ कार्यकर्ते अरविंद पाटील, नागो गवळी, शिवराम बदे, शिवराम महाराज तुपे, अरुण कराळे, भूषण पेमारे, सोनावळे गुरुजी यांच्यासह अनेक पदाधिकारी उपस्थित होते.