भाजपच्या प्रयत्नाने आसुडगांवात विकास कामांचा धडाका

पनवेल : रामप्रहर वृत्त

पनवेल महापालिकेच्या माध्यमातून महापालिका हद्दीत विविध विकासाची कामे सातत्याने करण्यात येत आहे. त्याअंतर्गत आसुडगांव, खांदा कॉलनी येथील अंतर्गत रस्त्याचे काँक्रीटीकरण व भुयारी गटारांच्या कामाचे भूमीपुजन महापौर डॉ. कविता चौतमोल यांच्या हस्ते बुधवारी (दि.12) करण्यात आले.

पनवेल तालुक्यातील आसुडगांव येथे मुख्य रस्त्याचे काँक्रीटीकरण व गटाराचे काम होण्यासाठी यासाठी भाजप नगरसेविका चंद्रकला शशिकांत शेळके यांनी सतत प्रयत्न केले होतेे. त्यानुसार या रस्त्याचे काँक्रीटीकरण व गटाराच्या कामाचे भूमिपूजन करण्यात आले. या भूमिपूजन सोहळ्याला पालिका प्रभाग समिती ‘ब’ चे सभापती संजय भोपी, नगरसेवक एकनाथ गायकवाड, नगरसेवक महादेव मधे, नगरसेविका सीता पाटील, शांताराम महाडिक, गोपीनाथ मुंढे, दीपक जांभळे, एकनाथ शेळके, हरिचंद्र म्हात्रे, जया कातकरी, चंद्रकांत गायकवाड, विनोद पाटील, मच्छींद्र वर्तक, अभिषेक भोपी आदी पदाधिकारी, कार्यकर्ते उपस्थित होते. पनवेल : जनसभा साप्ताहिकाच्या संकेतस्थळाचे अनावरण माजी खासदार लोकनेते रामशेठ ठाकूर यांच्या हस्ते बुधवारी करण्यात आले. या वेळी ‘जनसभा’चे संपादक अप्पासाहेब मगर, ‘रसायनी टाइम्स’चे संपादक अनिल भोळे, पुनम गुरव, मंगेश पांडे आदी उपस्थित होते.