भाजप युवा मोर्चाच्या पदाधिकारी, कार्यकर्त्यांनी केले रक्तदान

पनवेल : रामप्रहर वृत्त

कोरोना विषाणूच्या साथीमुळे रक्तदान शिबिराचे आयोजन करणे शक्य नसल्याने कॅन्सर पीडित रुग्णांना लागणार्‍या रक्तपुरवठ्यात मोठ्या प्रमाणात घट झाली आहे. त्यामुळे भारतीय जनता युवा मोर्चा उत्तर रायगडच्या वतीने व धन्वंतरी आरोग्यदूत सेवा संस्था यांच्या मार्गदर्शनाखाली युवा मोर्चाच्या पदाधिकारी व कार्यकर्त्यांनी रक्तदान केले. भाजप उत्तर रायगड जिल्हाध्यक्ष आमदार प्रशांत ठाकूर यांच्या मार्गदर्शनाखाली सोमवारी (दि. 23) युवा मोर्चाचे उत्तर रायगड जिल्हाध्यक्ष मयुरेश नेतकर, खारघर व तळोजा युवा मोर्चाचे अध्यक्ष विनोद घरत, तसेच प्रमोद पाटील, रितेश रंगुराज, संतोष रेवणे, राम जाधव, लक्ष्मण भतोसे, सुनील साळुंके, अभिषेक पवार यांनी खारघरमधील टाटा कॅन्सर हॉस्पिटलमध्ये जाऊन रक्तदान केले.