पनवेलमध्ये नाका कामगारांसह गोरगरिबांना फूड पॅकेट्सची व्यवस्था

पनवेल : वार्ताहर  – पनवेल शहर पोलीस ठाण्याच्या सहकार्याने व अनेक स्वयंसेवी संस्था/ व्यक्ति यांच्या मदतीने शुक्रवारी परिसरातील अनेक नाका कामगार व गरजूंना फुड पॅकेट्सचे वाटप करण्यात आले.

आज साजिद नावडेकर व धिरूभाई लिबानी यांनी दिलेले 800 फुड पॅकेट हद्दीतील गरजु, बेघर, कामगार, वॉचमन, मजुर, रिक्षा, टॅक्सी चालक व बस डेपोमधील चालक, वाहक यांना पनवेल शहर पोलीस ठाण्याचे पोलीस निरीक्षक शत्रुघ्न माळी, पोलीस निरीक्षक विजय तायडे व पोलीस कर्मचारी यांनी वाटप केले. पनवेल पोलीस ठाण्याकडून अशाप्रकारे इतर स्वयंसेवी संस्था/ व्यक्ति यांना देखील संपर्क करून दररोज गरजूंना फुड पॅकेट्स वाटप केले जाणार आहे.