पिडिलाईट कंपनी, टिआयएतर्फे पोलिसांना पीपीई किट वाटप

पनवेल : वार्ताहर – नवी मुंबईतील पोलीस आयुक्तालयाच्या अधीन असलेल्या पोलीस कर्मचार्‍यांना वैयक्तिक संरक्षणात्मक किट वितरित करण्यासाठी भारत आधारित अ‍ॅडव्हाईज मॅन्युफॅक्चरिंग कंपनी पिडिलाईट इंडस्ट्रीज जी फेविकॉल आणि तळोजा इंडस्ट्रीज असोसिएशनचे अध्यक्ष सतीश शेट्टी यांनी पिडिलाइट उद्योगांच्या वतीने तळोजा पोलीस ठाण्याचे वरिष्ठ निरीक्षक काशिनाथ चव्हाण यांच्याकडे 180 वैयक्तिक संरक्षक किट हस्तांतरित केल्या. तसेच डिसीपी झोन दोनमध्ये अशोक दूधे यांच्याकडे 580 वैयक्तिक संरक्षण किट सुपूर्द करण्यात आल्या.

प्रत्येक संरक्षक किटमध्ये 10 फेस मास्क, दोन हातची दस्ताने, एक सॅनिटायझर इत्यादी साहित्याचा समावेश होता. तळोजा इंडस्ट्रीज असोसिएशनने (टीआयए) तळोजा एमआयडीसी मधील उद्योगांना संपर्क साधून तळोजा एमआयडीसी मधील गरीब लोकांसाठी अन्नधान्याच्या पिशव्या खरेदी व वाटप करण्यात मदत करणे. कोविड 19 ला लढा देण्यासाठी आवश्यक असलेल्या वैद्यकीय उपकरणे, तरतुदींच्या खरेदीसाठी मदत करणे या साठी उद्योजकांनी पुढे येण्याचे आवाहन केले होते. त्या आवाहनाचा आधार घेऊन  तळोजा एमआयडीसीमधील पिडिलाइट इंडस्ट्रीज लिमिटेड पुढे आले आणि त्यांनी नवी मुंबई पोलीस आयुक्तालयाला वैयक्तिक संरक्षक किट वाटप करण्याची इच्छा टिआयएचे अध्यक्ष सतीश शेट्टी यांच्याकडे व्यक्त केली.

या वेळी बी.जी. एंटरप्राइझचे प्रोप्रायटर बाबू जॉर्ज, बी.जी. एंटरप्राइझचे मुख्य कार्यकारी अधिकारी बीनू पपाचन, टिआयएचे अध्यक्ष सतिश शेट्टी आणि टीआयएचे कार्यकारी सचिव सुनील पाध्ये उपस्थित होते.