आमदार प्रशांत ठाकूर यांच्याकडून वडाळे तलाव सुशोभीकरण कामाची पाहणी

पनवेल ः पनवेल शहरातील वडाळे तलावाच्या सुशोभीकरणाचे काम सुरू आहे, परंतु कोरोनाच्या संकटामुळे या कामास उशीर झाला होता. त्या पार्श्वभूमीवर शुक्रवारी (दि. 6) भाजपचे उत्तर रायगड जिल्हाध्यक्ष आमदार प्रशांत ठाकूर यांनी या कामाची पाहणी करून अधिकार्‍यांना आवश्यक त्या सूचना केल्या. उपमहापौर जगदिश गायकवाड, सभागृह नेते परेश ठाकूर, स्थायी समिती सभापती संतोष शेट्टी यांच्यासह अधिकारी या वेळी उपस्थित होते. सभागृह नेते परेश ठाकूर यांनी हे काम लवकरात लवकर पूर्ण करून पनवेल शहराच्या सौंदर्यात या तलावामुळे भर पडणार असल्याचे स्पष्टकेले.