मुंबई ः कोरोनामुळे धक्का बसलेल्या बांधकाम क्षेत्राला दिलासा देण्यासाठी राज्य सरकारने कर कमी केला. त्याचा फायदा लोकांसह बिल्डरांनाही होतोय. घरांची विक्री वाढली असताना यावरून विरोधी पक्षनेते व माजी मुख्यमंत्री देवेंद्र फडणवीसांनी थेट मुख्यमंत्री उद्धव ठाकरेंना पत्र लिहून याविरोधात उच्च न्यायालयात जाण्याचा इशारा दिला आहे. याबाबत मुद्दामहून इंग्रजीत पत्र लिहित असल्याचेही ते म्हणाले. स्टॅम्प ड्युटीत सूट देऊन मूठभर खासगी लोकांचे भले केले जात आहे, मात्र त्यामुळे राज्य सरकारचे हजारो कोटींचे नुकसान होते. त्यामुळे हा निर्णय तत्काळ थांबवावा, अशी मागणी फडणवीस यांनी केली. बांधकाम क्षेत्राला उभारीसाठी दीपक पारेख यांच्या समितीने सुचवलेल्या सोयीच्या अशाच शिफारशी लागू करण्यात आल्याचा आरोपही फडणवीसांनी या वेळी केला.
Check Also
तापमानवाढीमुळे महायुतीच्या कार्यकर्त्यांनी प्रचारादरम्यान काळजी घ्यावी -खासदार श्रीरंग बारणे
कर्जत : प्रतिनिधी मावळ लोकसभा मतदारसंघातील शिवसेना, भाजप, राष्ट्रवादी, मनसे, आरपीआय, रासप व मित्रपक्ष महायुतीचे …