रत्नागिरीमध्ये केमिकल कंपनीत स्फोट; चार कामगारांचा मृत्यू, एक जण जखमी

रत्नागिरी ः रत्नागिरीत लोटे एमआयडीसीतील घरडा केमिकल कंपनीमध्ये शनिवारी (दि. 20) सकाळी स्फोट होऊन चार कामगार मृत्युमुखी पडले, तर एक जण जखमी आहे.
मिळालेल्या माहितीनुसार, घरडा कंपनीत 7 नंबरच्या प्लांटमध्ये हा स्फोट झाला. या स्फोटानंतर आग लागली आणि परिसरात धुराटे लोट पसरले. आगीची माहिती मिळताच अग्निशमन दल घटनास्थळी दाखल झाले. रुग्णवाहिकाही पाठविण्यात आली होती. दरम्यान, ही आग नेमकी कशामुळे लागली याचे कारण अद्याप समजू शकले नाही. काही दिवसांपूर्वी लोटे एमआयडीसीतील सुप्रिया केमिकल कंपनीत स्फोट झाला होता.