आमदार महेश बालदी यांच्या हस्ते तेलीपाडा गावात विकासकामांचे उद्घाटन

उरण : वार्ताहर

उरण तालुक्यातील चाणजे ग्रामपंचायत हद्दीतील तेलीपाडा गावातील स्मशानभूमी रोडच्या डांबरीकरण कामाचे आणि गावातील साई मंदिर ते होल्डिंग पॉइंटपर्यंतच्या अंडरग्राऊंड गटाराच्या कामाचे उद्घाटन आमदार महेश बालदी यांच्या हस्ते रविवारी (दि. 4) करण्यात आले.

गावातील स्मशानभूमी रोडची दुरवस्था झाली होती. रस्त्याला अनेक लहान-मोठे खड्डे पडलेले होते. त्यामुळे नागरिकांना त्रास होत होता. त्याअनुषंगाने रोडचे डांबरीकरण काम सुरू करण्यात आले. आमदार महेश बालदी व चाणजे जि. प. सदस्य रिना जितेंद्र घरत यांच्या प्रयत्नाने सिडको अनुदानातून अंडरग्राऊंड नाल्याचे व स्मशानभूमी रोड डांबरीकरण काम करण्यात येणार आहे. साईबाबा मंदिर ते होल्डिंग पॉइंटपर्यंत पाइप टाकून अंडरग्राऊंड गटाराचे काम करण्यात येणार आहे.

या कार्यक्रमांना भाजप तालुका अध्यक्ष रवी भोईर, जि. प. सदस्य रीना घरत, नगराध्यक्ष सायली म्हात्रे, उपनगराध्यक्ष जयविन कोळी, भाजप शहर अध्यक्ष कौशिक शाह, तालुका उपाध्यक्ष पंडीत शेठ घरत, चाणजे ग्रामपंचायत सदस्य पुष्पलता म्हात्रे, अजय म्हात्रे, चाणजे ग्रामपंचायत माजी सरपंच तथा भाजप चाणजे विभागीय अध्यक्ष जितेंद्र घरत, तेलीपाडा गाव अध्यक्ष कैलास म्हात्रे, उपाध्यक्ष वीरेंद्र घरत, बूथ अध्यक्ष मंगेश म्हात्रे, कोळीवाडा बूथ अध्यक्ष कैलास कोळी, सुहास पाटील, जुगनू कोळी, विश्वास म्हात्रे, कंत्राटदार प्रताप पाटील, राजेश म्हात्रे, सन्नी म्हात्रे, मुळेखंड बूथ अध्यक्ष प्रीतम म्हात्रे, लता म्हात्रे, नरेश म्हात्रे, नितीन म्हात्रे, संदीप कोळी, सिद्धार्थ कोळी, विनोद नाखवा व ग्रामस्थ उपस्थित होते.