न्हावा शिवडी सिलिंकबाधीतांच्या समस्यांबाबत सर्वपक्षीय बैठक

लोकनेते रामशेठ ठाकूर यांचे मार्गदर्शन

पनवेल : रामप्रहर वृत्त
न्हावा शिवडी सिलिंकच्या बाधीत मच्छीमारांच्या विविध समस्यासंदर्भात सर्वपक्षीय कमिटीची बैठक रामशेठ ठाकूर इंटरनॅशनल स्पोर्ट्स कॉम्प्लेक्समध्ये आयोजित करण्यात आली होती. या बैठकीत मच्छीमार बांधवांच्या विविध समस्यांबाबत चर्चा करण्यात आली.
माजी खासदार लोकनेते रामशेठ ठाकूर यांच्या अध्यक्षतेखाली झालेल्या या सर्वपक्षीय बैठकीला भाजपचे ज्येष्ठ नेते वाय. टी.देशमुख, भाजपचे पनवेल तालुका अध्यक्ष अरुणशेठ भगत, जिल्हा परिषदेचे माजी सदस्य रवींद्र पाटील, माजी सरपंच जितेंद्र म्हात्रे, न्हावा ग्रामपंचायतीचे सरपंच हरेश्वर म्हात्रे, गव्हाण ग्रामपंचायतीचे उपसरपंच विजय घरत, माजी पंचायत समिती सदस्य भाऊशेठ पाटील, माजी सरपंच वसंत म्हात्रे, शेकापचे नेते जे. एम. म्हात्रे, काँगे्रसचे जिल्हाध्यक्ष महेंद्र घरत यांच्यासह मच्छीमार मोठ्या संख्येने उपस्थित होते.
या बैठकीमध्ये प्रकल्पबाधीत मच्छीमारांच्या विविध समस्यांवर सविस्तर चर्चा करण्यात आली. पुढील काळात संबंधित अधिकार्‍यांशी बैठक घेऊन प्रश्न मार्गी लावण्यासाठी प्रयत्न करणार असल्याचे या बैठकीत सर्वपक्षीय नेत्यांनी सांगितले.