सरसंघचालक मोहन भागवत रायगडमध्ये

किल्ले रायगडावर छत्रपती शिवरायांना अभिवादन

महाड : प्रतिनिधी
राष्ट्रीय स्वयंसेवक संघाचे सरसंघचालक मोहन भागवत व अखिल भारतीय संच मंगळवार (दि. 11)पासून तीन दिवसांच्या रायगड जिल्हा दौर्‍यावर आला असून, संघाची संच बैठक पहिल्यांदाच जिल्ह्यात होणार आहे. भागवत व सहकार्‍यांनी दौर्‍याच्या सुरुवातीला किल्ले रायगडावर जाऊन छत्रपती शिवाजी महाराज समाधीस्थळी व होळीचा माळ येथील पुतळ्यापुढेनतमस्तक झाले.
सरसंघचालक भागवत यांच्यासह देशभरातील सहा सरसहकार्यवाह व प्रचारक प्रमुख यांची महत्त्वपूर्ण बैठक 13 फेबु्रवारीला माणगाव तालुक्यातील करंबेळी येथे होणार आहे. तत्पूर्वी त्यांनी मंगळवारी किल्ले रायगडवर जाऊन अभिवादन केले, तर बुधवारी ते शिवथरघळला भेट देऊन दर्शन घेणार आहेत.