खालापूर, खोपोली : प्रतिनिधी
मुंबई-पुणे द्रुतगती महामार्गावर रसायनी हद्दीत झालेल्या अपघातात एकाचा मृत्यू झाला असून सहा जण किरकोळ जखमी झाले आहेत. जखमींना कामोठे येथील एमजीएम रुग्णालयात दाखल करण्यात आले आहे.
द्राक्ष भरलेला टेम्पो मुंबईकडे चालला असताना त्याचा टायर निकामी झाला. त्यामुळे टेम्पोमधील तीनजण खाली उतरले असता मागून येणार्या प्रवासी बसने त्यातील एकाला धक्का दिला. त्यात ती व्यक्ती जागीच ठार झाली. अन्वर हुसेन (वय 51, रा. उत्तर प्रदेश) असे या व्यक्तीचे नाव आहे, तर अपघातग्रस्त बसमधील महेश निलवे, अनिता निलवे (दोघेही डोंबिवली), चंद्रकांत मोरे, वासंती शिवाजी टकेकर (दोघेही आजरा), विश्व आंद्रेकर व अश्विनी आंद्रेकर या प्रवाशांना किरकोळ जखमा झाल्या. त्यांच्यावर उपचार करण्यात आले.
Check Also
गव्हाण ग्रामपंचायतीच्या ग्रामसभेत विविध विषयांवर चर्चा
उलवे नोड : रामप्रहर वृत्तपनवेल तालुक्यातील गव्हाण ग्रामपंचायतीत महाराष्ट्र दिनानिमित्त आयोजित ग्रामसभा शुक्रवारी (दि.१) माजी …
RamPrahar – The Panvel Daily Paper