उरण तायक्वांडो अकॅडमीचा गौरव

उरण : बातमीदार
आमदार चषक जिल्हास्तरीय तायक्वांडो स्पर्धेत उरण तायक्वांडो अकॅडमीच्या खेळाडूंनी चमकदार कामगिरी केली. याबद्दल त्यांचा आमदार महेश बालदी यांच्या मार्गदर्शनाखाली सत्कार करण्यात आला.
सर्व पदक विजेतेे व मास्टर तेजस पाटील यांना भाजप तालुका अध्यक्ष व नगरसेवक रवी भोईर यांनी, तर मास्टर प्रथमेश यांना उपनगराध्यक्ष जयविन कोळी यांच्या हस्ते गौरविण्यात आले. या कार्यक्रमास भाजप शहर अध्यक्ष व नगरसेवक कौशिक शाह, नगरसेवक धनंजय कडवे, मी उरणकर सामाजिक संस्थेचे अध्यक्ष विशाल पाटेकर, श्री राघोबा देव मोटर ट्रेनिंग स्कूलचे संस्थापक प्रितम पाटील आदी उपस्थित होते.