खेरणे गावात रस्त्याचे काँक्रिटीकरण

भाजप नेते अरुणशेठ भगत यांच्या हस्ते उद्घाटन

पनवेल : रामप्रहर वृत्त
भारतीय जनता पक्षाचे पनवेल तालुका अध्यक्ष आणि जनार्दन भगत शिक्षण प्रसारक संस्थेचे अध्यक्ष अरुणशेठ भगत यांचा वाढदिवस मंगळवारी (दि. 22) विविध सामाजिक उपक्रमांनी साजरा करण्यात आला. त्यानिमित्त भारतीय जनता पार्टीचे रायगड जिल्हा अध्यक्ष आमदार प्रशांत ठाकूर यांच्या निधीतून खैरणे गावात रस्त्याचे काँक्रिटीकरण करण्यात आले. या कामाचे उद्घाटन पनवेल तालुकाध्यक्ष अरुणशेठ भगत यांच्या हस्ते करण्यात आले.
खैरणे गावात रस्त्याचे काँक्रिटीकरणाच्या उद्घाटनावेळी  जिल्हा उपाध्यक्ष प्रल्हाद केणी, माजी उपमहापौर जगदीश गायकवाड,
भाजप ओबीसी मोर्चा उत्तर रायगड सरचिणीस दशरथ म्हात्रे, पनवेल पंचायत समितीचे माजी सदस्य भूपेंद्र पाटील, खैरणेचे सरपंच शैलेश माळी, उपसरपंच राजेंद्र गोंधळी, ग्रामपंचायत सदस्य अशोक गोंधळी, चंद्रकांत गोंधळी, प्रदीप माळी, धोंडीराम पाटील, अनिल गोंधळी, प्रदीप गोंधळी, चाहु माळी, माजी सरपंच बुधाजी माळी, पांडुरंग माळी, भास्कर माली, राजेश माली, निलेश गोंधळी आदी उपस्थित होते.