पनवेल : वार्ताहर
पनवेल तालुक्यातील घोटकॅम्प जवळील घोटनदीच्या पात्रातील तलावामध्ये बुडुन एका 43 वर्षीय महिलेचा मृत्यू झाल्याची घटना घडली आहे. याप्रकरणी तळोजा पोलीस ठाण्यात अकस्मात मृत्युची नोंद करण्यात आली आहे.
घोटगाव येथे राहणारी निता निलेश प्रधान हि महिला आपल्या राहत्या घरातून कोणाला काही एक न सांगता निघून गेली होती. याप्रकरणी तळोजा पोलीस तपास करत असताना सदर महिला घोटकॅम्प जवळील घोटनदीच्या पात्रातील तलावामध्ये मिळून आली. तिला उपचाराकामी पनवेल उपजिल्हा रुग्णालय येथे दाखल केले असता डॉक्टरांनी तिला मयत घोषीत केले. याप्रकरणी तळोजा पोलीस ठाण्यात अकस्मात मृत्युची नोंद करण्यात आली असून अधिक तपास सहाय्यक पोलीस निरीक्षक बाळासाहेब रोकडे करीत आहेत.
Check Also
आमदार प्रशांत ठाकूर यांच्या प्रयत्नातून एक कोटी 35 लाख रुपयांच्या विकासकामांचा शुभारंभ
पनवेल : रामप्रहर वृत्त पनवेल विधानसभा मतदार संघातील ग्रामिण भागात आमदार प्रशांत ठाकूर यांच्या मार्गदर्शनाखाली …