सोमवारपासून शाळा प्रवेशोत्सव

अलिबाग ः प्रतिनिधी

बालकांना मोफत व सक्तीच्या शिक्षणाचा अधिकार अधिनियमाची प्रभावी अंमलबजावणी होण्यासाठी तसेच 6 ते 14 वयोगटातील सर्व बालकांना शालेय प्रवाहात आणण्यासाठी रायगड जिल्हा परिषदेच्या शिक्षण विभागाकडून 17 जून ते 2 जुलै या कालावधीत शाळा प्रवेशोत्सव उपक्रम राबविण्यात येत आहे.

 शाळापूर्व दिवशी सर्व क्षेत्रीय अधिकार्‍यांसह शिक्षकांचे शाळेत आगमन होणार आहे. प्रवेशपात्र बालकांच्या याद्या ग्रामपंचायत व शाळा फलकांवर प्रदर्शित करण्यात येणार आहेत. प्रवेशपात्र बालकांची यादी लाऊडस्पीकरवर घोषित करून शैक्षणिक पदयात्रा व शिक्षकांच्या गृहभेटी तसेच सरपंच, गावकरी, व्यवस्थापन समिती सदस्य, युवक, बचत गट, ज्येष्ठ नागरिकांसह सर्वांच्या गृहभेटींचे आयोजन करण्यात आले आहे.