राज्यस्तरीय बुद्धिबळ स्पर्धेत अमरदीप बारटक्के विजेता

पनवेल : बातमीदार

येथील अस्मिता चेस अ‍ॅण्ड स्पोर्ट्स अकॅडमीतर्फे वीरुपाक्ष मंगल कार्यालयात घेण्यात आलेल्या राज्यस्तरीय बुद्धिबळ स्पर्धेत राज्यातील 200 स्पर्धकांचा व पालकांचा सहभाग लाभला. स्पर्धेत फीडे मानांकित खेळाडू, तसेच 9, 12, 15 वयोगटाखालील, ज्येष्ठ नागरिक, दिव्यांग व खुल्या वयोगटातील खेळाडू सहभागी झाले होते. स्वीस लीग पद्धतीने ही स्पर्धा सात फेर्‍यांत खेळवण्यात आली.

फिडे अव्वल मानांकित अमरदीप बारटक्के स्पर्धेचा विजेता ठरला. त्याला सात हजार रुपये रोख व आकर्षक चषक देऊन गौरविण्यात आले. पनवेलचा दिग्गज खेळाडू स्नेहल भोसले याने द्वितीय व गजानन जयदे याने तृतीय क्रमांक पटकावला. बेस्ट रायगड खेळाडूचा पहिला क्रमांक पनवेलच्या जयराज निवतेने, तर

दुसरा क्रमांक पनवेलच्याच अक्षय शेगावकरने पटकावला.

– इतर श्रेणीतील विजेते

महिला खेळाडू सनिधी भट (18 वर्षाखालील), सुगंधा पाटील (35 वर्षापुढील); ज्येष्ठ खेळाडू दिलीप गोळवणकर, देविदास नाईक; मानांकित खेळाडू आर्य गायकवाड (मानांकन 1200 खालील), मकरंद करंबेळकर (मानांकन 1400 खालील), संजय भट (मानांकन 1600 खालील); विशेष 9 वर्षाखालील मुली कोमल गोरे, आरोही पाटील; 9 वर्षाखालील खुला गट श्रीहान साबत, अलौकिक सिन्हा, आदित्य आनंद; विशेष 12 वर्षाखालील मुली स्वराली कोठे, नामोम पाधी; 12 वर्षाखालील खुला गट अरविंद अय्यर, पारस भोईर, आरव अय्यर; विशेष 15 वर्षाखालील मुली सौख्या सावंत, वनश्री कुणेकर; 15 वर्षाखालील खुला गट ओम लामकाने, योहान बोरीचा, हर्षल भावे.