जिल्हा परिषद शाळा उलवेच्या व्यवस्थापन कमिटीच्या सभापतीपदी भाजपच्या शीतल सोमासे

उलवे ः जिल्हा परिषद शाळा उलवेच्या व्यवस्थापन कमिटीच्या सभापतीपदी भाजपच्या शीतल महेश सोमासे यांची बहुमताने निवड झाली, तसेच उपाध्यक्षपदी भाजपचे अनिल कुंभार हे विजयी झाले. त्याबद्दल भाजपचे ज्येष्ठ नेते एम. डी. खारकर यांनी त्यांचे पुष्पगुच्छ देऊन अभिनंदन केले. या वेळी उलवे सरपंच कविता खारकर, उपसरपंच जगदीश खारकर, दिलीप कोळी, राजू खारकर, गणेश सोमासे, गायकवाड गुरुजी, समीर मढवी, उलवे नोड भाजप युवा मोर्चा अध्यक्ष निलेश खारकर व अन्य मान्यवर उपस्थित होते.