खोपोली रेल्वेस्थानक मार्गावर खड्डे व पाणीच पाणी

खोपोली : प्रतिनिधी खोपोली परिसरात पावसाचा जोर कायम आहे. येथील रेल्वेस्थानक रोडवर मोठमोठे खड्डे व मोठ्या प्रमाणात  पाणी साचत असल्याने नागरिकांची प्रचंड गैरसोय होत आहे. या पूर्वी डागडुजी म्हणून नगरपालिकेकडून या रस्त्यावरील खड्डे बुजविण्यात आले होते. मात्र मागील चार पाच दिवसातील मुसळधार पावसामुळे येथे टाकलेली खडी व कच पूर्ण वाहून गेली आहेत. सद्यस्थितीत या रस्त्यावर पूर्वीपेक्षा मोठ्या प्रमाणात खड्डे पडले असून, त्यात पावसाची पाणी साचत असल्याने येथून जातांना प्रवासी व नागरिकांची तारांबळ उडत आहे.