मुंबई शहर कबड्डी निवड चाचणी स्थगित

मुंबई : प्रतिनिधी

मुंबई शहर कबड्डी असोसिएशनची जिल्हा अजिंक्यपद निवड चाचणी कबड्डी स्पर्धा पावसाच्या संततधारेमुळे काही दिवसांकरिता स्थगित करण्यात आली आहे. या स्पर्धेला 4 नोव्हेंबरपासून पुन्हा सुरुवात करण्यात येईल.

स्पर्धेची नवीन कार्यक्रम पत्रिका लवकरच तयार करण्यात येणार आहे. ती स्पर्धेत सहभागी झालेल्या सर्व संघांना उपलब्ध करून देण्यात येईल.

स्पर्धेबाबत अधिक माहिती हवी असल्यास रविवार व सुटीचे दिवस वगळता संघटनेच्या कार्यालयात सायंकाळी 6.30 ते 8.30 या वेळेत 24152999 या दूरध्वनीवर संपर्क साधावा, असे आवाहन जिल्हा कबड्डी संघटनेचे सचिव विश्वास मोरे यांनी केले आहे.