लोकनेते रामशेठ ठाकूर यांच्याकडून कुस्तीपटूंना शुभेच्छा

पनवेल : रामप्रहर वृत्त

जनार्दन भगत शिक्षण प्रसारक संस्थेच्या चांगू काना ठाकूर (सीकेटी) महाविद्यालयातील तसेच पनवेल परिसरातील कुस्तीपटूंची विविध आंतरराष्ट्रीय तसेच राज्यस्तरीय कुस्ती स्पर्धेसाठी निवड झाली आहे. या सर्व खेळाडूंचे माजी खासदार लोकनेते रामशेठ ठाकूर यांनी शनिवारी अभिनंदन केले आणि त्यांच्या यशस्वी वाटचालीसाठी शुभेच्छा दिल्या.

सीकेटी महाविद्यालयातील कुस्ती प्रशिक्षक रूपेश पावशे यांची मलेशिया येथे होणार्‍या आंतरराष्ट्रीय कुस्ती स्पर्धेसाठी प्रशिक्षक म्हणून आणि राजन पावशे यांची आंतरराष्ट्रीय कुस्ती स्पर्धेत खेळण्यासाठी निवड झाली आहे. त्याचप्रमाणे पुणे बालेवाडी येथे जानेवारी 2020मध्ये होणार्‍या महाराष्ट्र केसरी कुस्ती स्पर्धेसाठी पुरुष गटात पनवेलमधील नितळस गावचे सौरभ पावशे, सचिन भोपी, विकास पावशे, साजन पावशे, रूपेश पावशे यांची, तर महिला गटात सीकेटी महाविद्यालयाच्या विद्यार्थिनी नीरज यादव, मोनिका चिकने, अमेघा घरत, विना गोस्वामी यांची निवड झाली आहे. या सर्वांचे लोकनेते रामशेठ ठाकूर यांनी कौतुक केले.