खालापुरात संशयास्पद कार

अपघातानंतर तिघे जण फरार

खोपोली : प्रतिनिधी

खालापुरात आठवडाभरापूर्वी अपघात झालेली कार संशयास्पद अवस्थेत पडून आहे. अपघातानंतर कारमधील तीन जणांनी जखमी अवस्थेत पळ काढल्याने या कारचे गूढ वाढले आहे. खालापूर शहरातून द्रुतगती मार्गाला जोडरस्ता असून आठवड्यापूर्वी पहाटेच्या वेळेस सुसाट वेगाने जाणारी कार जोगावडे वाड्यानजीक वळणावर रस्ता सोडून शेतात पलटी झाली. कारमधील तिघे जण जखमी अवस्थेत कार सोडून पसार केले. खालापूर पोलिसांनी कारचा पंचनामा केला. आठवड्यानंतरही कार अपघात ठिकाणी पडून असून गाडीत ब्रेडची पाकिटे आणि नायलॉन रस्सी सापडली आहे.