भाजपचे अविनाश कोळी यांना मातृशोक

पनवेल : रामप्रहर वृत्त
भाजपचे रायगड जिल्हा संघटन सरचिटणीस अविनाश कोळी यांच्या मातोश्री शालिनी महादेव कोळी यांचे सोमवारी (दि. 8) अल्पशा आजाराने निधन झाले. त्या 73 वर्षांच्या होत्या. त्यांच्या पश्चात पती महादेव कोळी, तीन विवाहित मुले सुभाष, अविनाश, नंदू, विवाहित मुलगी सुषमा, सुना, जावई, नातवंडे असा मोठा परिवार आहे.
शालिनी कोळी यांच्या पार्थिवावर पनवेल येथील कोळीवाडा स्मशानभूमीत फिजिकल डिस्टन्सचे नियम पाळून अंत्यसंस्कार करण्यात आले. अंत्ययात्रेस महापौर डॉ. कविता चौतमोल, सभागृह नेते परेश ठाकूर, भाजपचे शहर मंडल अध्यक्ष जयंत पगडे, सरचिटणीस व नगरसेवक नितीन पाटील यांच्यासह विविध क्षेत्रातील मान्यवर उपस्थित होते.
शालिनी कोळी यांच्या निधनाबद्दल माजी खासदार लोकनेते रामशेठ ठाकूर, माजी पालकमंत्री व आमदार रवींद्र चव्हाण, आमदार प्रशांत ठाकूर, आमदार महेश बालदी यांच्यासह सामाजिक, शैक्षणिक, कला, सांस्कृतिक, राजकीय क्षेत्रातील मान्यवरांनी शोक व्यक्त केला आहे.