Breaking News

रायगडातील लॉकडाऊन हटवला

दोन दिवस आधीच जिल्हा अनलॉक

अलिबाग : प्रतिनिधी
रायगड जिल्हा पोलीस अधीक्षक कार्यक्षेत्रात लागू करण्यात आलेला लॉकडाऊन जिल्हाधिकारी निधी चौधरी यांनी दोन दिवस आधीच हटवला आहे. असे असले तरी संपूर्ण राज्यात लागू असलेले ‘मिशन बिगीन अगेन-2’चे नियम 31 जुलैपर्यंत लागू राहाणार आहेत.  
जिल्ह्यात कोरोनाचा संसर्ग झालेल्या रुग्णांची संख्या वाढू लागल्याने जिल्हाधिकारी निधी चौधरी यांनी 15 ते 26 जुलै या कालावधीत रायगड पोलीस अधीक्षक कार्यक्षेत्रात लॉकडाऊन जाहीर केला होता, परंतु दोन दिवस आधीच शुक्रवारी (दि. 24) रात्री उशिरा  हा लॉकडाऊन उठविण्याचे आदेश देण्यात आले. त्यामुळे जिल्ह्यातील नागरिकांना तसेच व्यावसायिकांना मोठा दिलासा मिळाला आहे.  
कोरोनाचा वाढता प्रादुर्भाव पाहता पालकमंत्री आदिती तटकरे यांनी जिल्ह्यात 15 ते 24 जुलै असा 10 दिवसांचा लॉकडाऊन जाहीर केला होता, पण जिल्हाधिकारी निधी चौधरी यांनी आदेश काढून लॉकडाऊन दोन दिवस वाढवून 15 ते 26 जुलै असा केला होता. लॉकडाऊनमुळे जनतेत नाराजी होती. ही नाराजी लक्षात घेऊन जिल्हाधिकार्‍यांनी 19 जुलै रोजी लॉकडाऊन काही प्रमाणात शिथिल केला. जीवनावश्यक वस्तूंची दुकाने सुरू करण्यात दोन वेळा शिथिलता दिली गेली. आता ही टाळेबंदी पूर्णपणे उठविण्यात आली आहे.

Check Also

नमो चषक महोत्सवाचा शनिवारी पारितोषिक वितरण सोहळा

माजी क्रिकेटपटू तथा प्रशिक्षक दिलीप वेंगसरकर यांची प्रमुख उपस्थिती पनवेल : रामप्रहर वृत्त लोकप्रिय पंतप्रधान …

Leave a Reply