रायगडात 15 रुग्णांचा मृत्यू; 329 नवे पॉझिटिव्ह

पनवेल : रायगड जिल्ह्यात रविवारी (दि. 16) 15 कोरोना रुग्णांच्या मृत्यूची नोंद झाली असून, 329 नवे पॉझिटिव्ह आढळले आहेत. दुसरीकडे 304 रुग्ण दिवसभरात बरे झाले आहेत. मृत रुग्णांमध्ये कर्जत तालुक्यातील चार, पनवेल तीन, रोहा व अलिबाग प्रत्येकी दोन आणि उरण, खालापूर, पेण व माणगाव तालुक्यातील प्रत्येकी एकाचा समावेश आहे, तर पॉझिटिव्ह रुग्ण पनवेल तालुक्यात 212, अलिबाग 24, खालापूर 23, पेण 20, रोहा 19, उरण 15, कर्जत सात, महाड पाच, श्रीवर्धन तीन, सुधागड एक असे आहेत. नव्या रुग्णांमुळे जिल्ह्यातील एकूण कोरोनाबाधितांचा आकडा 21,387 आणि मृतांची संख्या 620 झाली आहे. जिल्ह्यात आतापर्यंत 17,194 जणांनी कोरोनावर मात केल्याने 3573 विद्यमान रुग्ण आहेत.