17 हजार फूट उंचीवर अनोखी होळी साजरी

भारतीय जवानांचा उत्साह

लडाख ः वृत्तसंस्था
संपूर्ण देशभरात होळी आणि धूलिवंदन मोठ्या उत्साहात साजरा करण्यात आले. लडाखच्या गलवानमध्ये आयटीबीपीच्या जवानांनी तब्बल 17 हजार फूट उंचीवर होळी साजरी केली. हटके अंदाजातील हा व्हिडीओ सध्या सोशल मीडियावर व्हायरल होत आहे.
या व्हिडीओमध्ये आयटीबीपीचे जवान हरियाणवी गाण्यावर थिरकताना दिसत आहेत. या वेळी त्यांच्या चेहर्‍यावर होळीचा आनंद आणि उत्साह पुरेपूर दिसून येतो. विशेष म्हणजे देशाची सेवा करणारे जवान प्रत्येक सण-उत्सवदेखील शक्य होईल त्या पद्धतीने साजरा करण्याचा प्रयत्न करतात हे दिसून आले.