क्रिकेट निवड चाचणीस महिला खेळाडूंचा प्रतिसाद

पनवेल ः वार्ताहर
रायगड जिल्हा क्रिकेट असोसिएशनच्या वतीने रायगडच्या इतिहासात प्रथमच मुलींची अंडर 19खाली निवड करण्यात आली. ही निवड चाचणी खारघर इनामपुरी येथे झाली.
निवड चाचणीसाठी रायगड जिल्ह्यातून एकूण 34 मुली आल्या होत्या. त्यातून चार मुलींची निवड करून त्यांना महाराष्ट्र निवड चाचणीसाठी पाठवण्यात आले. या वेळी मनीषा अडबळ आणि नीलम पाटील ह्या सिलेक्टर उपस्थित होत्या. त्याचप्रमाणे रायगड जिल्हा क्रिकेट असोसिएशनचे अध्यक्ष चंद्रकांत मते,  सरचिटणीस बहुतुले, स्पर्धा कमिटीचे चेअरमन किरीट पाटील, निवड कमिटीचे चेअरमन प्रीतम कैया, जिल्हा उपाध्यक्ष प्रकाश पावसकर, सुयोग चौधरी, संदीप पाटील, सुहास हिरवे, सागर सावंत आदी उपस्थित होते.