सेंट्रल पार्कची वेळ वाढवून द्यावी

नगरसेविका नेत्रा पाटील यांची सिडको प्रशासनाकडे मागणी

खारघर : रामप्रहर वृत्त

खारघर शहरातील सेंट्रल पार्कची वेळ वाढवून देण्याची मागणी नगरसेविका नेत्रा किरण पाटील यांनी सिडकोचे सहाय्यक कार्यकारी अभियंता सागर संधू यांच्याकडे निवेदनाद्वारे केली.

सध्यस्थितीत सेंट्रल पार्क सकाळी 9 वाजता बंद करण्यात येते. या ठिकाणी मोठ्या प्रमाणात नागरिक व्यायाम करण्यासाठी व फिरण्यासाठी येतात. त्यामुळे ज्येष्ठ नागरिकांची मागणी आहे की थंडीचे दिवस असल्याकारणाने पार्कची वेळ वाढवून सकाळी 10.30 वाजेपर्यंत करण्यात यावी. जेणेकरून नागरिकांना कोवळ्या उन्हाचा व नैसर्गिकरीत्या मिळणार्‍या ‘ड’ जीवनसत्त्वाचा अधिकाधिक लाभ घेता येईल. यासंदर्भात ज्येष्ठ नागरिकांनी नगरसेविका नेत्रा किरण पाटील यांच्याकडे सेंट्रल पार्कची वेळ वाढविण्यासाठी मागणी केली होती.