50 टक्के सवलतीच्या दरात एलईडी टीव्ही आणि रेंजर सायकल

लोकनेते रामशेठ ठाकूर यांच्या हस्ते उपक्रमाचा शुभारंभ

पनवेल : रामप्रहर वृत्त
माजी खासदार लोकनेते रामशेठ ठाकूर यांच्या मार्गदर्शनाखाली आणि गव्हाण ग्रामपंचायतीचे माजी उपसरपंच विजय घरत, सुहास भगत, सुदर्शन घरत व संदीप म्हात्रे यांच्या संयोजनातून नागरिकांना 8 ते 25 जानेवारीपर्यंत स्मार्ट एलईडी टीव्ही आणि रेंजर सायकल 50 टक्के सवलतीच्या दरात उपलब्ध करून देण्यात आले आहे. या उपक्रमाचा लोकनेते रामशेठ ठाकूर यांच्या हस्ते उलवे नोड येथे शुभारंभ करण्यात आला.
या कार्यक्रमास भाजपचे तालुकाध्यक्ष अरुणशेठ भगत, पंचायत समितीच्या माजी सदस्य रत्नप्रभा घरत, रतन भगत, वामन म्हात्रे, हेमंत ठाकूर, अंकुश ठाकूर, न्हावे ग्रामपंचायतीचे सरपंच विजेंद्र पाटील, गव्हाण ग्रामपंचायतीचे माजी उपसरपंच विजय घरत, निलेश खारकर, रमेश घरत, भाऊशेठ भोईर, मदन पाटील, सुधीर ठाकूर, किशोर पाटील, व्ही.के. ठाकूर, सी.एल. ठाकूर, मीनाक्षी पाटील, योगिता भगत, सुजाता पाटील, राजेंद्र देशमुख, रवींद्र भोईर, नवनाथ जाधव, सागरकुमार रंधवे, श्रीधर मोकल, राम मोकल, अनिल गमरे, अरविंद काटकर यांच्यासह नागरिक मोठ्या संख्येने उपस्थित होते.
उलवे नोड सेक्टर 17 मधील भारतीय जनता पक्ष कार्यालयात ही सुविधा उपलब्ध करून देण्यात आली असून त्यासाठी आधारकार्ड आणि रेशनकार्ड अनिवार्य आहे. तंत्रज्ञानाच्या युगात इलेक्ट्रॉनिक्स उपकरण जीवनाचा भाग झाला आहे. ब्लॅक अँड व्हाईट टीव्ही, कलर टीव्ही, एलसीडी त्यानंतर अधिक स्पष्टतेसाठी एलईडी असे तंत्रज्ञान बदल घडत गेले. त्याचप्रमाणे शरीर आणि आरोग्याच्या दृष्टिकोनातून सायकलचा वापर वाढत आहे. याच पार्श्वभूमीवर या वस्तू नागरिकांना कमी दरात मिळाव्यात यासाठी 50 टक्के सवलत ही योजना राबवली आहे. त्याचा जास्तीत जास्त नागरिकांनी लाभ घ्यावा, असे आवाहन संयोजकांनी केले असून 8308466448 किंवा 9552468388 या क्रमांकावर संपर्क साधावा, असेही त्यांनी कळविले आहे.