सरपंच निलेश म्हात्रे यांचा वाढदिवस

पनवेल : भाजपचे कोन ग्रामपंचायतीचे सरपंच निलेश म्हात्रे यांना वाढदिवसानिमित्त माजी खासदार लोकनेते रामशेठ ठाकूर आणि भाजप जिल्हाध्यक्ष आमदार प्रशांत ठाकूर यांनी मंगळवारी शुभेच्छा दिल्या. या वेळी अर्जुन म्हात्रे, संतोष गाताडे, राहुल घरत, विजय म्हात्रे, मानसी म्हात्रे, जिनेश कांबळे, वासुदेव म्हात्रे आदी उपस्थित होते.

प्रवीण म्हात्रे यांचा वाढदिवस

पनवेल : मोहो ग्रामपंचायतीचे सदस्य प्रवीण म्हात्रे यांना वाढदिवसानिमित्त माजी खासदार लोकनेते रामशेठ ठाकूर यांनी मंगळवारी शुभेच्छा दिल्या. या वेळी उपसरपंच संतोष शेळके, माजी उपसरपंच सतीश वाघमारे, ज्ञानेश्वर शेळके उपस्थित होते.

दी म्हसळा टाइम्सच्या दिवाळी अंकाचे प्रकाशन

पनवेल : साप्ताहिक ‘दी म्हसळा टाइम्स’च्या दिवाळी अंकाचे प्रकाशन माजी खासदार लोकनेते रामशेठ ठाकूर यांच्या हस्ते मंगळवारी करण्यात आले. या वेळी भाजपचे जिल्हा प्रवक्ते वाय. टी. देशमुख, उपाध्यक्ष आणि विशेष सल्लागार कृष्णा कोबनाक, ‘दी म्हसळा टाइम्स’चे संस्थापक रमेश पोटले, डॉ. मनाली बदकी, मीना रटाटे, शंकर मोडसिंग, अनिल मोंडे आदी उपस्थित होते.

भिंगार गावातील लहान मुलांना टी-शर्टचे वाटप

पनवेल : भाजपचे नेते सुभाष जेठू पाटील यांच्यामार्फत भिंगार गावातील लहान मुलांना टी-शर्टचे वाटप करण्यात आले होते. या सर्व मुलांनी माजी खासदार लोकनेते रामशेठ ठाकूर यांची मंगळवारी भेट घेतली. या वेळी भाजपचे जिल्हा प्रवक्ते वाय. टी. देशमुख, सुभाष जेठू पाटील उपस्थित होते.

आमदार महेश बालदी यांचे मुस्लिम व पंजाबी बांधव, तसेच स्थानिक कार्यकर्त्यांनी अभिनंदन

उलवे नोड : उरणचे आमदार महेश बालदी यांचे मुस्लिम व पंजाबी बांधव, तसेच स्थानिक कार्यकर्त्यांनी अभिनंदन केले. याबद्दल बालदी यांनी सर्वांचे आभार मानले. त्याची टिपलेली चित्रमय झलक.