रोह्यात पोलिसांचा रूट मार्च

रोहे ः देशभर लॉकडाऊनच्या पार्श्वभूमीवर रोह्यात उपविभागीय पोलीस अधिकारी किरणकुमार सूर्यवंशी यांच्या मार्गदर्शनाखाली पोलीस निरीक्षक नामदेव बंडगर यांच्या टीमने सोमवारी सायंकाळी रूट मार्च काढला होता. संचारबंदीत पोलीस सतर्क असून सोमवारी सायंकाळी पोलीस निरीक्षक नामदेव बंडगर, सहाय्यक पोलीस निरीक्षक सुभाष जाधव, उपनिरीक्षक शेगडे, अडगळे यांसह तीन वाहतूक पोलीस, 25 रोहा पोलीस, चार होमगार्डचा सहभाग असलेल्या रोहा पोलिसांनी रोहा पोलीस ठाणे ते फिरोज टॉकीज, तीन बत्ती नाका, बाजारपेठ, राम मारुती चौक, रोहा अष्टमी नगर परिषद चौक, रोहा एसटी स्टॅण्ड ते तीन बत्ती नाका असा रूट मार्च काढण्यात आला.