सामूहिक आत्महत्येने नवी मुंबई हादरली; आईसह मुलगा, मुलीचा मृत्यू

नवी मुंबई : दिवाळीपूर्वी नवी मुंबईतून एक धक्कादायक घटना समोर आली आहे. वाशीतील एकाच कुटुंबातील आई, मुलगा आणि मुलगी अशा तिघांनी सामूहिक आत्महत्या केली असून या घटनेने एकच खळबळ उडाली आहे. मिळालेल्या माहितीनुसार, 85 वर्षीय मोहिनी कामवानी, मुलगा दिलीप कामवानी (67) आणि मुलगी कांता कामवानी (61) यांनी तीन दिवसांपूर्वी विष प्राशन केले. त्यानंतर त्यांनी पोलिसांना फोन केला होता. पोलीस घटनास्थळी दाखल झाले आणि त्यांना रुग्णालयात दाखल केले, मात्र तिघांचाही मृत्यू झाला. आर्थिक नैराश्येतून त्यांनी हे पाऊल उचलले असल्याचे बोलले जात आहे. या प्रकरणी पोलीस अधिक तपास करीत आहेत.