महायुतीच्या प्रचार रॅलीस जोरदार प्रतिसाद ; करंजाडे, पारगाव डुंगी, ओवळेत घुमला भाजप-शिवसेनेचा आवाज

पनवेल : रामप्रहर वृत्त

 शिवसेना, भाजप, रिपाइं आणि मित्रपक्षांच्या महायुतीचे मावळ लोकसभा मतदारसंघातील उमेदवार श्रीरंग बारणे यांच्या प्रचारार्थ करंजाडे, पारगाव डुंगी, ओवळे, कुंडेवहाळ आणि उलवे नोडमध्ये गुरुवारी प्रचार रॅलीचे आयोजन करण्यात आले होते. उरणचे आमदार मनोहर भोईर यांची या वेळी प्रमुख उपस्थिती होती. महायुतीचे उमेदवार श्रीरंग बारणे यांना विजयी करण्यासाठी शिवसेना, भाजप आणि मित्रपक्षांच्या वतीने सर्वत्र मोठ्या प्रमाणात प्रचार करण्यात येत आहे. त्या अनुषंगाने करंजाडे, पारगाव डुंगी, ओवळे, कुंडेवहाळ आणि उलवे नोडमध्ये प्रचार रॅली काढण्यात आली. या वेळी तालुकाध्यक्ष अरुणशेठ भगत, तालुका सरचिटणीस प्रल्हाद केणी, पंचायत समिती सदस्य भूपेंद्र पाटील, संदीप तांडेल, हेमंत ठाकूर, वहाळ उपसरपंच अमर म्हात्रे, कर्णा शेलार, विजय घरत, मनोज घरत, जयवंत देशमुख, अजय भगत यांच्यासह मान्यवर उपस्थित होते.