खारघर येथे महिलांसाठी भव्य प्रदर्शन व विक्री मेळावा

पनवेल ः रामप्रहर वृत्त

पनवेल महानगरपालिका महिला व बालकल्याण विभागामार्फत जागतिक महिला दिनानिमित्त 5 ते 9 मार्च दरम्यान सेक्टर 12, गावदेवी मैदानावर महिला बचतगट वैयक्तिक महिला उद्योजिकांच्या माध्यमातून विविध वस्तूंचे प्रदर्शन व विक्री मेळाव्याचे भव्य आयोजन करण्यात आले आहे. या मेळाव्याचे उद्घाटन आमदार प्रशांत ठाकूर यांच्या हस्ते झाले.

या वेळी पनवेल महानगरपालिकेच्या महापौर डॉ. कविता चौतमोल, उपमहापौर सीताताई पाटील, मेळाव्याच्या आयोजिका महिला व बालकल्याण सभापती हर्षदा उपाध्याय, महिला मोर्चा पनवेल तालुका अध्यक्षा  रतक्प्रभा घरत, प्रभाग समिती सभापती वृषाली वाघमारे, प्रमिला पाटील, संजना कदम, नगरसेविका चारुशीला घरत, दर्शना  भोईर, संतोषी तुपे, रुचिता लोंढे, हेमलता म्हात्रे, पुष्प कुत्तरवाडे, खारघर महिला मोर्च्याच्या बीना गोगरी, सोशल मीडिया संयोजिका गीता चौधरी, नगरसेवक शत्रुघन काकडे, समीर कदम, खारघर शहर सरचिटणीस कीर्ती नवघरे, खारघर शहर अध्यक्ष ब्रिजेश पटेल उपस्थित होते. या महिला मेळाव्याला जास्तीत जास्त नागरिकांनी भेट देण्याचे आवाहन करण्यात आले आहे.