भेंडखळ येथे जोपासली सामाजिक बांधिलकी!   

उरण : वार्ताहर

मरावे परी किर्तीरुपे उरावे  या उक्तीप्रमाणे भेंडखळ येथील कै. लक्ष्मण रमण ठाकूर यांच्या प्रथम पुण्यस्मरण दिनानिमित्त त्यांच्या कुटुंबियांतर्फे वृद्धाश्रमात जीवनावश्यक वस्तूंचे वाटप  करण्यात आले. सामाजिक, सांस्कृतिक व धार्मिक कार्यात नेहमी सहभागी असणारे भेंडखळ गावचे सुपुत्र स्वर्गीय लक्ष्मण रमण ठाकूर यांच्या प्रथम पुण्यस्मरणार्थ त्यांच्या परिवाराकडून त्यांचा वारसा जोपासत मदत व सामाजिक बांधिलकी म्हणून रेशन सामान पनवेल नेरे येथील वृद्धाश्रम, संगीता नितीन जोशी सामाजिक व विकास संस्था स्नेहकुंज आधार गृह येथे त्यांची मुलगी प्रियांशी ठाकुर यांच्या हस्ते नितीन जोशी व अल्लाउद्दीन शेख यांच्या हाती सुपूर्त करण्यात आले.  कै. लक्ष्मण रमण ठाकूर यांच्या प्रथम स्मृतिदिनानिमित्त  एका छोट्याशा  कार्याला सुरुवात केली. सोबत जरिमरी नवरात्रोत्सव मंडळ भेंडखळ व शिवप्रेमी ग्रुप भेंडखळ यांनीही  योगदान दिले. एकूणच या कार्यक्रमात सर्वांनी सहभाग घेतला.