पनवेल इनरव्हिल क्लबचा पदग्रहण समारंभ उत्साहात

आमदार प्रशांत ठाकूर यांची प्रमुख उपस्थिती

पनवेल : रामप्रहर वृत्त

इनरव्हिल क्लब, पनवेलचा पदग्रहण समारंभ बुधवारी (दि. 13) तथास्तु हॉल येथे मोठ्या उत्साहात झाला. या कार्यक्रमाला आमदार प्रशांत ठाकूर, पेण येथील अहिल्या महिला मंडळाच्या अध्यक्ष अश्विनी गाडगीळ, वर्षा ठाकूर यांची प्रमुख उपस्थिती लाभली.

पदग्रहण समारंभाची सुरुवात दिपप्रज्वलनाने व डॉ. अर्चना मेश्राम यांनी गायलेल्या गणेशवंदनेने झाली. सन 2021-22च्या अध्यक्षा यांनी पदभार नुतन अध्यक्षांकडे सोपवण्यापूर्वी आपले मनोगत व त्यांनी वर्षभरात केलेल्या महत्त्वाच्या उपक्रमांचा आढावा पीपीटीद्वारे घेतला. यानंतर नुतन अध्यक्षा संजिवनी मालवणकर यांनी मावळत्या अध्यक्ष सुलभा निंबाळकर यांच्याकडून सन 2022-23 ह्या वर्षाकरीता अध्यक्षपदाची सुत्रे, कॉलर, पीन व क्लबचे चार्टर स्विकारले.

नुतन अध्यक्ष संजिवनी मालवणकर यांनी 2022-23च्या कार्यकारिणीची ओळख करून दिली व सचिव स्वाती घांग्रेकर, खजिनदार शुभांगी पिंपळकर, आय.एस.ओ. वंदना लघाटे, संपादिका डॉ. वीणा मनोहर व सी. सी. सुलभा जोशी यांनीही पीन्स व आपआपला पदभार स्विकारला.

नुतन अध्यक्षा संजिवनी मालवणकर यांनी आपले मनोगत सादर केले व 2022-23 चे इनरव्हिलचे घोषवाक्य वर्क वंडर्सनुसार अनेक लोकोपयोगी कामे करणार असल्याचे सांगितले. 1 जुलै रोजी त्यांचा कार्यकाल सुरू झाल्या दिवशीच त्यांनी पनवेलमधील 13 दंतवैद्यांना सन्मानित केले. 13 जुलै रोजी जुन्या भाजीमार्केटजवळ सोलरउर्जेवर चालणारे मोबाइल चार्जिंग स्टेशन उभारून भाजीविक्रेते व कामगार यांचे आशिर्वाद घेतले. तसेच कार्यक्रमात आमदार प्रशांतजी ठाकूर यांच्या हस्ते प्रमुख पाहुण्या अश्विनी गाडगीळ यांच्या अहिल्या महिला मंडळाला पाच हजार रुपयांचा धनादेश दिला आणि पनवेल कुरुळकर विशेषमुलांच्या वसतीगृहाला धान्याची मदत करून आपल्या कार्याची दमदार सुरुवात केली.

आमदार प्रशांतजी ठाकूर यांनी नुतन अध्यक्ष संजिवनी मालवणकर यांना उत्तम कार्य करण्यासाठी शुभेच्छा देऊन त्यांच्या उत्साहाचे कौतुकही केले. इनरव्हिल डिस्ट्रिक्ट 313च्या चेअरमन मुक्ती पानसे यांची व त्यांच्या कामाची ओळख डि.इ.एस.ओ. डॉ. शोभना पालेकर यांनी करून दिली.

इनरव्हिल क्लबमध्ये नव्या चार मैत्रिणींना सभसदत्व प्रदान करण्यात आले, तर तीन जुन्या सभासदांनी परत एकदा क्लबचे सभासदत्व स्विकारले. नवीन सभासदांना सभासदत्वाची शपथ पी.पी. स्वाती जोशी यांनी दिली. प्रमुख पाहुण्या अश्विनी गाडगीळ, यांची ओळख पी.पी.अ‍ॅड. सुजाता चव्हाण यांनी करून दिली. प्रमुख पाहुण्या अश्विनी गाडगीळ यांच्या हस्ते संपादिका वीणा मनोहर यांनी संपादित केलेल्या क्लबच्या संकल्पसिध्दी या बुलेटिनचे व सी. सी. सुलभा जोशी यांनी तयार केलेल्या क्लब रोस्टरचे प्रकाशन झाले. उपाध्यक्षा पुर्णिमा हळदीपूरकर यांनी उपस्थितांचे आभार मानले व वैजयंतीबुवा, वंदना लघाटे व कानन मिरवणकर यांच्या राष्ट्रगीताने कार्यक्रमाची सांगता झाली. कार्यक्रमाचे सुत्रसंचालन सुप्रिया कुलकर्णी व विनया सहस्त्रबुध्दे यांनी केले.