सीबीएसई दहावीचा 94.90 टक्के, तर बारावीचा 92.71 टक्के निकाल

पुणे : प्रतिनिधी
केंद्रीय माध्यमिक शिक्षण मंडळाच्या (सीबीएसई) वतीने घेण्यात आलेल्या दहावी आणि बारावीच्या परीक्षेचे निकाल जाहीर झाले असून ते अनुक्रमे 94.90 टक्के आणि 92.71 टक्के असे आहेत.
सीबीएसईतर्फे दहावी, बारावीचे निकाल शुक्रवारी (दि. 22) ऑनलाइन घोषित करण्यात आले. देशातील 14 लाख 35 हजार 366 विद्यार्थ्यांनी बारावीची परीक्षा दिली होती. त्यातील 13 लाख 30 हजार 662 विद्यार्थी उत्तीर्ण झाले आहेत, तर 20 लाख 93 हजार 978 विद्यार्थ्यांनी दहावीची परीक्षा दिली होती. त्यातील 19 लाख 76 हजार 668 विद्यार्थी उत्तीर्ण झाले आहेत.