Breaking News

राज्य मंत्रिमंडळाचे खातेवाटप जाहीर

मुंबई : प्रतिनिधी
राज्य मंत्रिमंडळातील नवनियुक्त मंत्र्यांचे खातेवाटप मुख्यमंत्री एकनाथ शिंदे यांनी रविवारी (दि. 14) जाहीर केले. राज्यपाल भगतसिंह कोश्यारी यांनी मंजुरी दिल्यानंतर हे खातेवाटप जाहीर करण्यात आले आहे.
मुख्यमंत्री एकनाथ शिंदे यांच्याकडे सामान्य प्रशासन, नगरविकास, माहिती व तंत्रज्ञान, माहिती व जनसंपर्क, सार्वजनिक बांधकाम (सार्वजनिक प्रकल्प), परिवहन, पणन, सामाजिक न्याय व विशेष सहाय्य, मदत व पुनर्वसन, आपत्ती व्यवस्थापन, मृद व जलसंधारण, पर्यावरण व वातावरणीय बदल, अल्पसंख्याक व औकाफ तसेच इतर कोणत्याही मंत्र्यांना वाटप न केलेले विभाग असतील, तर उपमुख्यमंत्री देवेंद्र फडणवीस यांच्याकडे गृह, वित्त व नियोजन, विधी व न्याय, जलसंपदा व लाभक्षेत्र विकास, गृहनिर्माण, ऊर्जा, राजशिष्टाचार ही खाती असणार आहेत.
याशिवाय राधाकृष्ण विखे-पाटील यांच्याकडे महसूल, पशुसंवर्धन आणि दुग्धविकास, सुधीर मुनगंटीवार वने, सांस्कृतिक कार्य, व मत्स्य व्यवसाय, चंद्रकांत पाटील उच्च व तंत्रशिक्षण, वस्त्रोद्योग आणि संसदीय कार्य, डॉ. विजयकुमार गावित आदिवासी विकास, गिरीश महाजन ग्रामविकास आणि पंचायतीराज, वैद्यकीय शिक्षण, क्रीडा व युवक कल्याण, गुलाबराव पाटील पाणीपुरवठा व स्वच्छता, दादा भुसे बंदरे व खनिकर्म, संजय राठोड अन्न व औषध प्रशासन, सुरेश खाडे कामगार,  संदीपान भुमरे रोजगार हमी योजना व फलोत्पादन, उदय सामंत उद्योग,  प्रा. तानाजी सावंत सार्वजनिक आरोग्य व कुटुंब कल्याण, रवींद्र चव्हाण,  सार्वजनिक बांधकाम (सार्वजनिक उपक्रम वगळून), अन्न व नागरी पुरवठा व ग्राहक संरक्षण, अब्दुल सत्तार कृषी, दीपक केसरकर शालेय शिक्षण व मराठी भाषा, अतुल सावे सहकार, इतर मागास व बहुजन कल्याण, शंभूराज देसाई राज्य उत्पादन शुल्क आणि मंगलप्रभात लोढा  यांच्याकडे पर्यटन, कौशल्य विकास व उद्योजकता, महिला व बालविकास खाते देण्यात आले आहे.

Check Also

नमो चषक महोत्सवाचा शनिवारी पारितोषिक वितरण सोहळा

माजी क्रिकेटपटू तथा प्रशिक्षक दिलीप वेंगसरकर यांची प्रमुख उपस्थिती पनवेल : रामप्रहर वृत्त लोकप्रिय पंतप्रधान …

Leave a Reply