पनवेलमध्ये प्लास्टिकमुक्ती जनजागृती अभियान

परेश ठाकूर यांच्या हस्ते उद्घाटन

पनवेल : रामप्रहर वृत्त

रोटरी क्लब ऑफ पनवेल सेंट्रल गेली वर्षे सातत्त्याने विविध समाजोपयोगी आणि पर्यावरण पूरक उपक्रम पनवेल परिसरात राबवित आहे. या वेळी रोटरी क्लब ऑफ पनवेल सेंट्रल हे पनवेल महापालिका आणि महाराष्ट्र प्रदूषण नियंत्रण मंडळ यांच्या संयुक्त विद्यमाने प्लास्टिक मुक्ती जनजागृती अभियान राबवित आहे. या उपक्रमाचे उद्घाटन क्लबचे सभासद, पनवेल महानगरपालिकेचे माजी सभागृह नेते परेश ठाकूर यांच्या हस्ते आणि क्लबचे मार्गदर्शक डॉ. गिरीश गुणे यांच्या उपस्थितीत रविवारी (दि. 28) झाले. या उपक्रमात महाराष्ट्र शासन आणि भारत सरकारने प्रतिबंधित प्लास्टिक चा वापर टाळण्याबाबत पत्रके वाटून आणि भित्तीपत्रके प्रदर्शित करून जनजागृती करण्यात आली. तसेच आपल्या घराघरातून पर्यावरणाला हानिकारक आणि प्रतिबंधित प्लास्टिक सोसायटी प्रवेशद्वारावर जमा करावे, असे आवाहन करण्यात आले. जमा झालेले प्लास्टिक हे रिसायकलिंगसाठी वेस्ट वॉरिअर्स-पनवेल ही सामाजिक संस्था त्यांच्या माध्यमातून पुढे पाठविणार असे उपस्थित राहिवाश्यांना आश्वासन देण्यात आले. या वेळी या उपक्रमात रोटरी क्लब ऑफ पनवेल सेंट्रलचे अध्यक्ष लक्ष्मण पाटील, सेक्रेटरी अनिल ठकेकर, प्रोजेक्ट डायरेक्टर ऋषिकेश बुवा, आमोद दिवेकर, संतोष घोडिंदे, महापालिका आरोग्य विभागाचे शैलेश गायकवाड, भगवान पाटील, प्रिया पाटील, विक्रम कैया, प्रीतम कैया, सुदीप गायकवाड, सायली सातवळेकर, मनोज आंग्रे, अमित पुजारी, अनिल खांडेकर, रतन खरोल, डॉ. संजीवनी गुणे, दीपक गडगे, सिकंदर पाटील, शिरीष वारंगे, श्वेता वारंगे आदी उपस्थित होते.