ग्रामपंचायत निवडणुकीतील विजयी शिलेदारांचा शनिवारी सत्कार

पनवेल-प्रतिनिधी
देशाचे माजी पंतप्रधान भारतरत्न श्रद्धेय अटलबिहारी वाजपेयी यांची जयंती व सुशासन दिनानिमित्त उत्तर रायगड भाजपच्यावतीने ग्रामपंचायतीचे नवनिर्वाचित सरपंच व सदस्यांचा सत्कार सोहळा पनवेलमध्ये आयोजित करण्यात आला आहे. पनवेल, उरण, कर्जत व खालापूर तालुक्यातील विविध ग्रामपंचायतींच्या सार्वत्रिक निवडणुका नुकताच पार पडल्या. या निवडणुकीत विजयी झालेल्या भाजपच्या शिलेदारांचा भाजपचे रायगड जिल्हा अध्यक्ष आमदार प्रशांत ठाकूर व आमदार महेश बालदी यांच्या प्रमुख उपस्थितीत शनिवार दिनांक २४ डिसेंबर रोजी सकाळी ११ वाजता शहरातील मार्केट यार्ड मधील श्री. रामशेठ ठाकूर सामाजिक विकास मंडळाच्या सभागृहात सन्मान करण्यात येणार आहे.