खांदा कॉलनीत हरिनाम सप्ताह

आमदार प्रशांत ठाकूर यांची उपस्थिती

पनवेल : रामप्रहर वृत्त
श्री संत भगवान बाबा व वामन भाऊ पुण्यतिथीनिमित्त खांदा कॉलनी येथे हरिनाम सप्ताहाचे आयोजन शनिवा (दि. 7)पासून करण्यात आले. भाजप जिल्हाध्यक्ष आमदार प्रशांत ठाकूर यांच्या हस्ते विणापूजन करून सप्ताहाची सुरुवात करण्यात आली. त्यांच्यासोबत पनवेलच्या माजी उपमहापौर सीताताई पाटील याही उपस्थित होत्या.
श्री संत भगवान बाबा व वामनभाउ महाराज यांचा संयुक्त पुण्यतिथी सोहळा 7 ते 14 जानेवारीपर्यंत साजरा होणार आहे. खांदा कॉलनी येथील पोलीस स्टेशन समोरील मैदानामध्ये या भव्य दिव्य सोहळ्याचे आयोजन करण्यात आलेले आहे. दररोज सकाळी हरिपाठ दुपारी गीता पारायण तसेच संध्याकाळी सहा वाजता गणेश महाराज घुगे यांचा हरिपाठ असणार आहे. शनिवारी (दि. 7) ह.भ.प प्रज्ञाताई ठोंबरे आष्टी यांचे कीर्तन आहे. रविवारी (दि. 8) ह.भ.प पांडुरंग महाराज डोंगरेश्वर संस्थान यांचे कीर्तन. सोमवारी (दि. 9) ह.भ.प राधाताई सानप महाराज आईसाहेब संस्थान पाटोदा यांचे कीर्तन. मंगळवारी (दि. 10) ह.भ. प महेश महाराज साळुंखे पाटणोली संस्थान यांचे कीर्तन. बुधवारी (दि. 11) ह.भ.प प्रकाश महाराज साठे शास्त्री बिडकर यांचे कीर्तन. गुरुवारी (दि. 12) ह.भ. प नारायण महाराज केंद्रे शास्त्री आळंदीकर यांचे कीर्तन. शुक्रवारी (दि. 13) ह. भ. प. ज्ञानदास डॉ. विजयकुमार फड औरंगाबादकर यांचे कीर्तन व शनिवारी (दि. 14) सकाळी दहा ते बारा या वेळेत हरिभक्त परायण सुदाम महाराज पानेगावकर यांचे काल्याचे किर्तन होईल. त्यानंतर महाप्रसाद होईल.
या सर्व कीर्तनाचा परिसरातील सर्व जनतेने लाभ घ्यावा असे आवाहन या मंडळांनी केले आहे. रोज संध्याकाळी कीर्तन संपल्यानंतर आलेल्या भाविकांसाठी महाप्रसादाचे आयोजन मंडळाने केलेले आहे. श्री संत वामन भाऊ व भगवान बाबा महाराज पुण्यतिथी उत्सवाचे हे अठरावे वर्षे आहे. या सोहळ्याचा सर्व लोकांनी लाभ घ्यावा असे आवाहन मंडळाचे अध्यक्ष हरिदास वनवे, उपाध्यक्ष सुनील खाडे, उपाध्यक्ष विनायक मुंडे, सचिव देविदास खेडकर यांनी केले आहे. या सर्व कार्यक्रमाचा आपण लाभ घ्यावा, असे प्रसिद्धी प्रमुख बबन बारगजे यांनी म्हटले आहे.