खारघर मॅरेथॉनपूर्व स्पर्धेतील विजेत्यांचा गौरव

खारघर : रामप्रहर वृत्त

रामशेठ ठाकूर आंतरराष्ट्रीय क्रीडा संकुल, खारघर रहिवासी कल्याण संघटना व रामशेठ ठाकूर वाणिज्य व शास्त्र महाविद्यालयाच्या संयुक्त विद्यामाने रविवारी खारघर मॅरेथॉन 2023 आयोजित केली होती. या वेळी मॅरेथॉनपूर्व स्पर्धेतील विजेत्यांना मान्यवरांच्या हस्ते पारितोषिके देण्यात आली.

खारघर मॅरेथॉन 2023 ची पूर्वतयारी रामशेठ ठाकूर महाविद्यालयामध्ये तसेच खारघर मधील वेगवेगळ्या सोसायटीमध्ये महाविद्यालयातील विद्यार्थी व विद्यार्थिनींनी व्यसनमुक्ती विषयी जनजागृती करण्यासाठी पथनाट्य सादर केली होती. तसेच खारघर मधील चतुर्भुज सोसायटीमध्ये व्यसनमुक्तीचा संदेश देण्यासाठी रांगोळी स्पर्धा आयोजित केली होती तसेच एकपात्री अभिनय, भित्तिपत्रक व ब्लॉग लेखन अशा वेगवेगळ्या स्पर्धा घेण्यात आलेल्या होत्या. रविवारी सर्व विजेत्यांना सन्मानचिन्ह व रोख रक्कम आजच्या या पारितोषिक वितरण समारंभामध्ये भाजपचे माजी खासदार  व मुंबईचे उप प्रदेशाध्यक्ष किरीट सोमय्या यांच्या हस्ते प्रदान करण्यात आले.

या पारितोषिक वितरण समारंभासाठी जनार्दन भगत शिक्षण प्रसारक संस्थेचे चेअरमन माजी खासदार लोकनेते रामशेठ ठाकूर, अध्यक्ष अरुणशेठ भगत, आमदार प्रशांत ठाकूर, संस्थेचे कार्यकारी संचालक व खारघर मॅरेथॉनचे व्यवस्थापकीय संचालक परेश ठाकूर तसेच भाजप पक्षाचे सर्व पदाधिकारी कार्यकर्ते, जनार्दन भगत शिक्षण प्रसारक संस्थेच्या विविध महाविद्यालयांचे प्राचार्य प्राध्यापक, विद्यार्थी व विद्यार्थिनी, शिक्षकेतर कर्मचारी या पारितोषिक वितरण समारंभासाठी उपस्थित होते.