मुंबई उपनगरच्या उमेश गुप्ताने पटकावला राज्यस्तरीय शरीरसौष्ठव नमो चषक 2025 किताब

पनवेल : रामप्रहर वृत्त
भव्य दिव्य आयोजन आणि स्पर्धकांच्या उत्कृष्ट प्रदर्शनामुळे लोकनेते रामशेठ ठाकूर क्रीडा नगरीत दिमाखदारपणे झालेल्या राज्यस्तरीय शरीरसौष्ठव स्पर्धेत मुंबई उपनगरच्या उमेश गुप्ता याने नमो चषक 2025 किताब पटकाविला. एक लाख 11 हजार रुपये आणि चषकाचा तो मानकरी ठरला.
भारतीय जनता युवा मोर्चा पनवेल व उरणच्या वतीने 23 ते 25 जानेवारीपर्यंत भव्य क्रीडा महोत्सव अर्थात नमो चषक 2025चे भव्य दिव्य आयोजन उलवे नोडमधील सेक्टर 12 येथील रामशेठ ठाकूर पब्लिक स्कूलच्या मागील बाजूच्या मैदानावर अर्थात लोकनेते रामशेठ ठाकूर क्रीडा नगरीत करण्यात आले आहे. त्याचाच एक भाग असलेली राज्यस्तरीय शरीरसौष्ठव स्पर्धा उत्स्फूर्तपणे, उत्कृष्ट नियोजनात आणि क्रीडा रसिकांच्या उपस्थितीत जल्लोषात पार पडली.
या स्पर्धेसाठी प्रमुख मान्यवर म्हणून पनवेल विधानसभा मतदारसंघाचे आमदार प्रशांत ठाकूर, महाराष्ट्र बॉडी बिल्डर्स असोसिएशनचे कार्याध्यक्ष डॉ. संजय मोरे, सरचिटणीस अजय खानविलकर, पनवेल महापालिकेचे माजी सभागृह नेते व नमो चषक स्पर्धेचे मुख्य आयोजक परेश ठाकूर, भाजपचे जिल्हा सरचिटणीस नितीन पाटील, पनवेल शहर अध्यक्ष अनिल भगत, कामोठे अध्यक्ष रवींद्र जोशी, पनवेल महापालिकेचे माजी स्थायी समिती सभापती अमर पाटील, अजय बहिरा तसेच अमर म्हात्रे, विजय घरत, जयवंत देशमुख, भार्गव ठाकूर, अंकुश ठाकूर, विश्वनाथ कोळी, स्वप्नील ठाकूर, शैलेश भगत, स्पर्धा समन्वयक मयुरेश नेतकर, शरीरसौष्ठव स्पर्धा संयोजक दिनेश शेळके, विचुंबे ग्रामपंचायतीचे सरपंच प्रमोद भिंगारकर आदी उपस्थित होते.
या स्पर्धेत इंडियन नेव्हीचा पी.टी. अनबन उपविजेता ठरला. प्रथम उपविजेता मुंबईचा सागर कातुर्डे, उत्कृष्ट पोझर म्हणून मुंबई उपनगरचा हरमित सिंग, तर प्रगतिकारक शरीरसौष्ठवपटू म्हणून पुण्याच्या विशाल सुरवसे याने मान मिळवला. सांघिक विजेतेपद रायगड संघाने, उपविजेतेपद पुणे संघाने, तृतीय क्रमांक मुंबई उपनगर, चतुर्थ क्रमांक मुंबई, तर पाचवा क्रमांक ठाणे पश्चिम संघाने पटकावला.
गटनिहाय निकाल
85 प्लस वजन गट : प्रथम क्रमांक पी.टी. अनबन (इंडियन नेव्ही), द्वितीय हरमित सिंग (मुंबई उपनगर), तृतीय सोहम चाकणकर (पुणे), चतुर्थ निलेश रेमजे (मुंबई), पाचवा अभिषेक लोंढे (मुंबई), सहावा क्रमांक जीवन सकपाळ (मुंबई).
85 किलोखालील वजन गट ः प्रथम क्रमांक विशाल सुरवसे (पुणे), द्वितीय संदेश सामंत (सिंधुदुर्ग), तृतीय सुखदीप सिंग (रायगड), चतुर्थ अर्जुन शर्मा (ठाणे), पाचवा महेंद्र पाचपुते (पुणे), सहावा क्रमांक ऋत्विक जाधव (पुणे).
80 किलोखालील वजन गट ः प्रथम क्रमांक सागर कातुर्डे (मुंबई), द्वितीय कमलेश अंबारा (पुणे), तृतीय संजय प्रजापती (मुंबई), चतुर्थ अक्षय शिंदे (पुणे), पाचवा प्रभाकर पाटील (रायगड), सहावा क्रमांक सचिन हगवणे (पुणे).
75 किलोखालील वजन गट ः प्रथम क्रमांक भगवान बोराडे (मुंबई उपनगर), द्वितीय आकाश दडमल (पुणे), तृतीय उदय देवरे (रायगड), चतुर्थ विशाल धावडे (उपनगर), पाचवा मंगेश भोसले (पश्चिम ठाणे), सहावा क्रमांक अक्षय शिंदे (पुणे).
70 किलोखालील वजन गट ः प्रथम क्रमांक उमेश गुप्ता (उपनगर), द्वितीय स्वप्नील नरवडकर (इंडियन नेव्ही), तृतीय संकेत भरम (उपनगर), चतुर्थ दीपक राऊळ (रायगड), पाचवा प्रशांत पोराळे (पुणे), सहावा क्रमांक रोशन दळवी (कोल्हापूर).
65 किलोखालील वजन गट ः प्रथम क्रमांक उद्देश ठाकूर (रायगड), द्वितीय नरेंद्र व्हालेकर (पुणे), तृतीय संदीप सावळे (उपनगर), चतुर्थ सचिन सावंत (पुणे), पाचवा निलेश धोंडे (पुणे), सहावा क्रमांक सचिन बोईनवाड (पश्चिम ठाणे).
60 किलो खालील वजन गटात प्रथम क्रमांक बाळू काटे (पुणे), द्वितीय गणेश पाटील (रायगड), तृतीय जितेश मोरे (मुंबई), चतुर्थ जुगल शिवणे (रायगड), पाचवा सुयश सावंत (उपनगर), सहावा क्रमांक अमोल वायल (पुणे).
55 किलो खालील वजन गट ः प्रथम क्रमांक हनुमान भगत (रायगड), द्वितीय राजेश तारबे (मुंबई), तृतीय अजय ओजरकर (पुणे), चतुर्थ संजय भोपी (रायगड), पाचवा दीपक कांबळे (पुणे), सहावा क्रमांक संदेश भोईर (रायगड).
171 सेंटीमीटरवरील गट ः प्रथम क्रमांक बॉबी पाटील (रायगड), द्वितीय राजेश सिंग (पालघर), तृतीय शुभम पवार (पुणे), चतुर्थ मयूर शिंदे (नाशिक), पाचवा रोहन ठाकूर (रायगड), सहावा क्रमांक अक्षय शिंदे (पुणे).
171 सेंटीमीटरखालील गट ः प्रथम क्रमांक रोहन वाणी (रायगड), द्वितीय नरेंद्र वाल्हेकर (पुणे), तृतीय अनिकेत पाटील (रायगड), चतुर्थ निलेश गुरव (उपनगर), पाचवा सचिन बोईनवाड (ठाणे पश्चिम), सहावा क्रमांक कौस्तुभ पाटील (रायगड).
मास्टर 40 प्लस गट ः प्रथम क्रमांक रवींद्र माने (इंडियन नेव्ही), द्वितीय कुमाम कोईरेम्बा (ठाणे), तृतीय दीपक राऊळ (रायगड), चतुर्थ स्वप्नील अशाइत (पालघर), पाचवा चिराग पाटील (पालघर) तर सहावा जयप्रकाश नार्वेकर (सिंधुदुर्ग). सर्व विजेत्यांना उपस्थित मान्यवरांच्या हस्ते बक्षिसे देऊन सन्मानित करण्यात आले.
अशी होती बक्षिसे
किताब विजेता एक लाख 11 हजार रुपये, उपविजेता 51 हजार रुपये, तृतीय क्रमांक 21 हजार रुपये, बेस्ट पोझर 11 हजार रुपये, सांघिक विजेता 11 हजार रुपये, सांघिक उपविजेता आठ हजार रुपये, सांघिक तृतीय सहा हजार रुपये, सांघिक चतुर्थ पाच हजार रुपये, सांघिक पाचवा क्रमांक चार हजार रुपये. 85, 80, 75, 70, 65, 60, 55 किलो वजनाखालील गट, 85 किलोवरील गट, 171 सेंटीमीटरखालील व 171 सेंटीमीटरवरील आणि मास्टर 40 प्लस या प्रत्येक गटातील अनुक्रमे प्रथम क्रमांकास 15 हजार रुपये, द्वितीय 12 हजार रुपये, तृतीय आठ हजार रुपये, चतुर्थ सहा हजार रुपये, पाचवा चार हजार रुपये, तर सहाव्या क्रमांकाला तीन हजार रुपये रक्कम बक्षीस देऊन गौरविण्यात आले.