रोजंदारीवर काम करणार्‍यांना अन्नदान

उरण : वार्ताहर

कोरोना विषाणूचा संसर्ग होऊ नये सर्वत्र लॉक डाऊन  केल्याने उरण परिसरात रोजंदारीवर काम करणार्यांना काम मिळणे बंद झाले आहे, त्यांची उपासमार होत आहे. अशा गरिबांना मदत करण्यासाठी गोदारा रोडवेज प्रायव्हेट लिमिटेड व हरियाना वेल्फेअर असोसिएशन यांच्या वतीने मंगळवारी (दि. 31) बोरी येथील गरिबांना अन्नदान व करळ पुलाजवळील गरिबांना किराणा समान देण्यात आले.

बोरी गावातील इंदिरानगर झोपडपट्टी, येथील सुमारे 250 गरजूंना अन्नदान देण्यात आले. त्याचप्रमाणे करळ पुला जवळील झोपडपट्टीत तांदुळ, डाळ, आटा 100 गरिबांना आदी देण्यात आले. या वेळी उरण पोलीस ठाण्याचे वरिष्ठ पोलीस निरीक्षक जगदीश कुलकर्णी, गोदारा रोडवेज प्रायव्हेट लिमिटेडचे डायरेक्टर बलबीर चौधरी, संजय डागर, विरेंद्र चौधरी, प्रेम सोनी, पोलीस उपनिरीक्षक अनिल चव्हाण, पोलीस नाईक, प्रमोद कोकाटे, पोलीस नाईक सचिन केकरे, केशव खैरनार, समाजक्रांती आघाडी उरण तालुका अध्यक्ष एल. टी. लवे  आदी उपस्थित होते.