ज्येष्ठ नागरिक, निराधार महिलांसाठी विशेष उपक्रम

पनवेल : वार्ताहर

पनवेल महानगरपालिकेचे नगरसेवक व माजी उपमहापौर विक्रांत बाळासाहेब पाटील यांनी सध्याच्या लॉकडाऊनच्या काळामध्ये ज्येष्ठ नागरिकांना व निराधार माता-भगिनींना त्रास होवू नये यासाठी प्रभाग क्र.18 मध्ये विशेष उपक्रम राबविला आहे.

या वेळी प्रभागातील ज्येष्ठ नागरिक व निराधार माता-भगिनीं ज्यांना जीवनावश्यक वस्तू त्यामध्ये प्रामुख्याने औषधे, गॅस सिलेंडर, भाजीपाला हे आवश्यक असल्यास  व ते आणण्यासाठी त्यांना अडचणी येत असल्यास त्यांनी या संदर्भात विक्रांत पाटील यांच्या हेल्पलाईन नंबर 9167042666 या क्रमांकावर आपले पूर्ण व पत्ता व्हॉट्सअ‍ॅप करावेे म्हणजे संबंधितांशी तत्काळ संपर्क साधून त्यांच्या अडचणी जाणून घेवून त्यांना आवश्यक असलेली मदत तात्काळ देण्यात येईल. तरी ज्येष्ठ नागरिक व निराधार माता-भगिनींनी आपल्या मुलास्थानी असलेल्या विक्रांत पाटील यांना सेवा करण्याची संधी द्यावी असे आवाहन त्यांनी केले.