रोहे ः प्रतिनिधी
कोरोनाचे संकट देश व राज्यभर वाढत असताना देशाची आर्थिक राजधानी मुंबईच्या जवळ असलेल्या रायगड जिल्ह्यातही कोरोनाचा संसर्ग मोठ्या प्रमाणात वाढला. जिल्ह्याच्या मध्यवर्ती ठिकाणी रोहा तालुक्यातही कोरोनाने हातपाय पसरले आहेत. रोह्यात रविवारीएकाच दिवसात 10 कोरोना पॉझिटिव्ह रुग्ण आढळल्याची माहिती तहसीलदार कविता जाधव यांनी दिली. मोठ्या प्रमाणात रुग्ण आढळल्याने तालुक्यात खळबळ उडाली असून त्यांच्यावर विविध रुग्णालयांत उपचार सुरू आहेत. पॉझिटिव्हपैकी एकाचा रोह्यात व्यवसाय असल्याने खबरदारी म्हणून रोहा आणि कोलाड बाजारपेठ काही दिवस बंद ठेवण्यात आली आहे.
